romance

Pyar ki kuch kitabe karine se sambhal rakhi thi maine,
soch k rakha tha ki chadhne nahi doonga samay ki dhool in pe..

Jaane kya alag baat thi unme, jaane kyu thi khas woh itne,
ki sambhal rakh chodi thi unko zindagi k daraaz main..

Aaj jab lauta hu ghar k iss kone main,
reh na paya bina khole usse main..

Pyar ki kuch kitabe karine se sambhal rakhi thi maine..
soch k rakha tha..

Fir bhi aaj jab thama un kitabo ko haath main,
lete hi mehsoos kiya ki chadh aayi thi ab dhool un pe..

Lekar paas hi pade kapde ko, laga main saaf karne fir unko,
par taaza na kar paya dhool se sane un panno ko..

Apni nakamyabi pe jhunjala ke jhatak diya un kitaabo ko,
fir bhi jaane kya baat thi unme ki fir zameen se utha liya unko maine..

Haathon main leke karine se saaf kiya unhe,
aur sambhal rakh choda unko zindagi ke daraaz main..

Pyar ki kuch kitabe karine se sambhal rakhi thi maine,
soch k rakha tha ki nahi chadhne doonga samay ki dhool in pe..

                                                                                  ———-Judy———-